ಗಾಂಧಿಜಯಂತಿ ಆಚರಣೆ

ಕೋಲಾರ ಚಿನ್ನದ ಗಣಿ ಪ್ರದೇಶದ ಜಿಲ್ಲಾ ಪೊಲೀಸ್ ಕಛೇರಿಯಲ್ಲಿ ಶನಿವಾರದಂದು ಮಹಾತ್ಮಗಾಂಧಿ ಜಯಂತಿಯನ್ನು ಅರ್ಥಪೂರ್ಣವಾದ ರೀತಿಯಲ್ಲಿ ಆಚರಿಸಲಾಯಿತು.

ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಇಲಕ್ಕಿಯಾ ಕರುಣಾಕರನ್ ಅವರು ಮಹಾತ್ಮನ ಭಾವಚಿತ್ರಕ್ಕೆ ಮಾಲಾರ್ಪಣೆ ಮಾಡಿ ಗೌರವ ಸಲ್ಲಿಸಿದರು. ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ ಮಹಾತ್ಮಗಾಂಧಿಜೀ ಅವರ ಕೊಡುಗೆಯನ್ನು ಸ್ಮರಿಸಿದರು.

ಇದೇ ಸಂದರ್ಭದಲ್ಲಿ ಸ್ವಚ್ಚತೆ ಕಾರ್ಯಕ್ರಮಕ್ಕೆ ಎಸ್ಪಿ ಇಲಕ್ಕಿಯಾ ಕರುಣಾಕರನ್ ಅವರು ಚಾಲನೆ ನೀಡಿದರು. ಜಿಲ್ಲಾ ಪೊಲೀಸ್ ಕಛೇರಿಯ ಒಳಾಂಗಣ ಹಾಗೂ ಹೊರಾಂಗಣದಲ್ಲಿ ಸ್ವಚ್ಚತೆಯನ್ನು ಶ್ರಮದಾನದ ಮೂಲಕ ಮಾಡಲಾಯಿತು. ಶ್ರಮದಾನದಲ್ಲಿ ಅಧಿಕಾರಿಗಳು, ಸಿಬ್ಬಂದಿಗಳು ಸಕ್ರಿಯವಾಗಿ ಭಾಗವಹಿಸಿದ್ದರು.

ಡಿವೈಎಸ್ಪಿ ಪಿ. ಮುರಳೀಧರ, ಸರ್ಕಲ್ ಇನ್ಸ್‌ಪೆಕ್ಟರ್ ಕೆ.ನಾಗರಾಜ್, ವೆಂಕಟರಮಣಪ್ಪ, ನಿಸ್ತಂತು ನಿರೀಕ್ಷಕ ನವೀನ್‌ಕುಮಾರ್, ಆರ್‌ಪಿಐ ವಿ. ಸೋಮಶೇಖರ್, ಸಹಾಯಕ ಆಡಳಿತಾಧಿಕಾರಿ ಜಿ.ವಿಶ್ವನಾಥ, ಶಾಖಾಧೀಕ್ಷಕಿ ನಜೀಮಾಬಾನು, ಆಪ್ತ ಸಹಾಯಕಿ ಜಿ.ಮಮತಾ ಮತ್ತು ಜಿಲ್ಲೆಯ ಪಿಎಸ್‌ಐಗಳು, ಜಿಲ್ಲಾ ಪೊಲೀಸ್ ಕಛೇರಿಯ ಅಧಿಕಾರಿಗಳು, ಸಿಬ್ಬಂದಿಗಳು ಕಾರ್ಯಕ್ರಮದಲ್ಲಿ ಹಾಜರಿದ್ದರು.

ಕೆಜಿಎಫ್ ಪೊಲೀಸ್ ಜಿಲ್ಲೆಯ ಎಲ್ಲಾ ಪೊಲೀಸ್ ಠಾಣೆಗಳಲ್ಲಿ, ವೃತ್ತ ಕಛೇರಿಗಳಲ್ಲಿ ಹಾಗೂ ಡಿ.ಎ.ಆರ್. ಆವರಣದಲ್ಲಿ ಸ್ವಚ್ಚತೆ ಕಾರ್ಯಕ್ರಮವನ್ನು ಗಾಂಧಿ ಜಯಂತಿ ಪ್ರಯುಕ್ತ ಮಾಡಲಾಯಿತು.

ನಿವೃತ್ತ ಪೊಲೀಸ್ ಅಧಿಕಾರಿಗೆ ಬಿಳ್ಕೋಡುಗೆ

ನಿವೃತ್ತ ಪೊಲೀಸ್ ಅಧಿಕಾರಿಗೆ ಹಾರ್ಥಿಕ ಬಿಳ್ಕೋಡುಗೆ ಕಾರ್ಯಕ್ರಮವು ಸೆ. 30 ರಂದು ಕೋವಿಡ್ ನಿಯಮಾವಳಿಯಂತೆ ಅತ್ಯಂತ ಸರಳವಾದ ರೀತಿಯಲ್ಲಿ ನಡೆಯಿತು.

ಬಂಗಾರಪೇಟೆ ಪೊಲೀಸ್ ಠಾಣೆಯ ಎಎಸ್‌ಐ ಎನ್.ನಾರಾಯಣಪ್ಪ ಅವರು ಸೆ.30 ರಂದು ಸರ್ಕಾರಿ ಸೇವೆಯಿಂದ ವಯೋ ನಿವೃತ್ತಿ ಹೊಂದಿದ ಸಂದರ್ಭದಲ್ಲಿ ಅವರಿಗೆ ಕೆಜಿಎಫ್ ಜಿಲ್ಲಾ ಪೊಲೀಸ್ ಕಛೇರಿಯಲ್ಲಿ ಏರ್ಪಡಿಸಿದ್ದ, ಹಾರ್ಥಿಕ ಬಿಳ್ಕೋಡುಗೆ ಸಮಾರಂಭದಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಇಲಕ್ಕಿಯಾ ಕರುಣಾಕರನ್ ಅವರು ಅಧ್ಯಕ್ಷತೆ ವಹಿಸಿ ನಿವೃತ್ತ ಪೊಲೀಸ್ ಅಧಿಕಾರಿಗೆ ವಿಶ್ರಾಂತಿ ಜೀವನಕ್ಕೆ ಶುಭ ಕೋರಿದರು.

ನಿವೃತ್ತರಾದ ಎಎಸ್‌ಐ ಎನ್.ನಾರಾಯಣಪ್ಪ ಅವರನ್ನು ಶಾಲು ಹೊದಿಸಿ, ಹಣ್ಣು ಹಂಪಲು ನೀಡಿ ಸನ್ಮಾನಿಸಿ, ಸೇವಾ ಪ್ರಮಾಣಪತ್ರ, ನೆನಪಿನ ಕಾಣಿಕೆಗಳನ್ನು ನೀಡಿ ಗೌರವಿಸಲಾಯಿತು.

ಮುಖ್ಯ ಅತಿಥಿಗಳಾಗಿ ಸಹಾಯಕ ಆಡಳಿತಾಧಿಕಾರಿ ಜಿ.ವಿಶ್ವನಾಥ, ಪಿಎಸ್‌ಐ ಎನ್.ಜಿ.ಚೌಡಪ್ಪ, ಎಎಸ್‌ಐ ಆರ್.ಹನುಮಪ್ಪ ಮತ್ತಿತರರು ಉಪಸ್ಥಿತರಿದ್ದರು.

ಪತ್ರಿಕಾ ಪ್ರಕಟಣೆ

       ದಿನಾಂಕ 26.09.2021 ಮಾನ್ಯ ಪೊಲೀಸ್ ಅಧೀಕ್ಷಕರು ಕೆ.ಜಿ.ಎಫ್ ರವರ ಗನ್ ಮ್ಯಾನ್ ಆದ   ಮುನಿರತ್ನ ಎ.ಹೆಚ್.ಸಿ 20 ರವರು  ಕರ್ತವ್ಯ ಮುಗಿಸಿ  ಬಂಗಾರಪೇಟೆಯಲ್ಲಿ ಸ್ವಂತ ಕೆಲಸವಿದ್ದ ಪ್ರಯುಕ್ತ ಸಂಜೆ ಸುಮಾರು 7.00 ಗಂಟೆಯಲ್ಲಿ ಅಜ್ಜಪ್ಪನಹಳ್ಳಿ-ಬಂಗಾರಪೇಟೆ ರಸ್ತೆಯಲ್ಲಿ  ಹೀರೋ ಪ್ಯಾಷನ್ ಪ್ರೋ ದ್ವಿಚಕ್ರ ವಾಹನ ಸಂಖ್ಯೆ:ಕೆ.ಎ-08.ಯು-1642 ರಲ್ಲಿ ಹೋಗುತ್ತಿದ್ದಾಗ  ಯಾರೋ 05 ಜನ ಅಪರಿಚಿತ ವ್ಯಕ್ತಿಗಳು ಎರಡು ದ್ವಿಚಕ್ರ ವಾಹನಗಳಲ್ಲಿ ಬಂದು ಕೈಗಳಲ್ಲಿ ಚಾಕು, ಕಬ್ಬಿಣದ ರಾಡು, ಖಾರದ ಪುಡಿ ಹಿಡಿದುಕೊಂಡು ಮುನಿರತ್ನ ರವರ  ಕತ್ತಿಗೆ ಚಾಕುವನ್ನು ಇಟ್ಟು  ಜೇಬಿನಲ್ಲಿ  ಎನ್ನಾ ಇರಕ್ಕು ಕುಡು ಎಂದು ಕೊಲೆ ಮಾಡಲು ಪ್ರಯತ್ನಿಸಿ ದರೋಡೆ ಮಾಡಲು ಹೋದಾಗ  ಮುನಿರತ್ನ ರವರು ನಾ ಪೊಲೀಸ್ ಡಾ ಎಂದು ಎಂದು ಹೇಳಿದ್ದಕ್ಕೆ   ಬಿಟ್ಟು ಓಡಿ ಹೋಗಿದ್ದು  ಅವರು ಬಂದಿದ್ದ 2 ದ್ವಿ ಚಕ್ರ ವಾಹನದ ಪೈಕಿ ಒಂದು ದ್ವಿ ಚಕ್ರ ವಾಹನ ಸಂಖ್ಯೆ:KA08W8355  ನೋಡಿ ಗುರುತು ಹಿಡಿದು   ತಕ್ಷಣ ಮುನಿರತ್ನ ರವರು ಕಂಟ್ರೋಲ್ ರೂಂಗೆ ಮತ್ತು ಮೇಲಾದಿಕಾರಿಗಳಿಗೆ ತಿಳಿಸಿ ಠಾಣೆಯಲ್ಲಿ ದೂರು ನೀಡಿದ್ದರ ಮೇರೆಗೆ ಠಾಣಾ ಮೊಸಂ: 31/2021 ಕಲಂ 307, 399, 402 ಐ.ಪಿ.ಸಿ ರೀತ್ಯಾ  ಕೇಸು ದಾಖಲಿಸಿ ತನಿಖೆ ಕೈಗೊಂಡಿದ್ದು,

       ಪಿರ್ಯಾದಿ ನೀಡಿದ ದ್ವಿ ಚಕ್ರವಾಹನದ ಸಂಖ್ಯೆಯ ಸುಳಿವಿನ  ಮೇರೆಗೆ  ಶ್ರೀಮತಿ ಇಲಕ್ಕೀಯ ಕರುಣಾಗರನ್, ಮಾನ್ಯ ಪೊಲೀಸ್ ಅಧೀಕ್ಷಕರು ಕೆ.ಜಿ.ಎಫ್ ಜಿಲ್ಲೆ  ರವರ ಮಾರ್ಗದರ್ಶನದಲ್ಲಿ   ಶ್ರೀ.ಎಂ.ವೆಂಕಟರಾಮಪ್ಪ ಸಿ.ಪಿ.ಐ ಉರಿಗಾಂ ವೃತ್ತ, ಶ್ರೀ.ವಿಜಯ್.ಆರ್ .ಪಿ.ಎಸ್.ಐ ಬೆಮಲ್‌ನಗರ ಮತ್ತು ಸಿಬ್ಬಂದಿಯವರ ಕಾರ್ಯಚರಣೆಯಿಂದ  ದಿನಾಂಕ 27.09.2021 ರಂದು ಬೆಳಗಿನ ಜಾವ 5 ಜನ ಆರೋಪಿಗಳಾದ  ಅವಿನಾಶ್‌ರಾಜ್, ಸ್ಯಾಮ್ ಸ್ಟೀಫನ್, ರಂಜಿತ್, ಅಜಯ್, ಪ್ರಕಾಶ್  ರವರನ್ನು ದಸ್ತಗಿರಿ ಮಾಡಿ ಕೃತ್ಯಕ್ಕೆ ಉಪಯೋಗಿಸಿದ 2  ದ್ವಿ ಚಕ್ರವಾಹನಗಳು, 2 ಚಾಕುಗಳು, 01 ಕಬ್ಬಿಣದ ರಾಡು, 2 ಪ್ಲಾಸ್ಟಿಕ್ ಕವರ್‌ನಲ್ಲಿ ಖಾರದ ಪುಡಿಯನ್ನು ಮತ್ತು 4 ಮೊಬೈಲ್ ಪೋನ್‌ಗಳನ್ನು ಅಮಾನತ್ತು ಪಡಿಸಿಕೊಂಡು ದಿನಾಂಕ 27.09.2021 ರಂದು ಘನ ನ್ಯಾಯಾಲಯಕ್ಕೆ ಹಾಜರುಪಡಿಸಿ ನ್ಯಾಯಾಂಗ ಬಂದನಕ್ಕೆ ಒಳಪಡಿಸಿರುತ್ತೆ.

ಪೊಲೀಸ್ ಪ್ರಕಟಣೆ – ಕೆ.ಜಿ.ಎಫ್.:ಪೊಲೀಸ್ ಜಿಲ್ಲೆಯ ಪೊಲೀಸ್ ಠಾಣೆ/ವೃತ್ತ ಕಛೇರಿ/ಹೊರ ಠಾಣೆ ಗಳನ್ನು ಸಂಘಟನೆ, ಪುನರ್ ಸಂಘಟನೆ ಮಾಡಿ, ಹೊಸದಾಗಿ ಕಾರ್ಯಾರಂಭ ಮಾಡಿರುವ ಬಗ್ಗೆ.

ಪೊಲೀಸ್ ಪ್ರಕಟಣೆ

        ಕೆ.ಜಿ.ಎಫ್.:ಪೊಲೀಸ್ ಜಿಲ್ಲೆಯ ಪೊಲೀಸ್ ಠಾಣೆ/ವೃತ್ತ ಕಛೇರಿ/ಹೊರ ಠಾಣೆ ಗಳನ್ನು ಸಂಘಟನೆ, ಪುನರ್ ಸಂಘಟನೆ ಮಾಡಿ, ಹೊಸದಾಗಿ ಕಾರ್ಯಾರಂಭ ಮಾಡಿರುವ ಬಗ್ಗೆ.

ಕೆ.ಜಿ.ಎಫ್. ದಿನಾಂಕ:೧೩.೦೮.೨೦೨೧

    ಕೆ.ಜಿ.ಎಫ್. ಪೊಲೀಸ್ ಜಿಲ್ಲೆಯಲ್ಲಿ  ಇರುವ ಪೊಲೀಸ್ ಠಾಣೆ. ಹೊರ ಠಾಣೆ ಮತ್ತು ವೃತ್ತ ಕಛೇರಿಗಳನ್ನು ಸಾರ್ವಜನಿಕ ಹಿತದೃಷ್ಟಿಯಿಂದ ರಾಜ್ಯ ಸರ್ಕಾರವು ಸಂಘಟನೆ, ಪುನರ್ ಸಂಘಟನೆ ಮಾಡುವ ಮೂಲಕ ಹೊಸದಾಗಿ ಸೃಜನೆ ಮಾಡಿರುವ ಪೊಲೀಸ್ ಠಾಣೆ, ಹೊರ ಠಾಣೆ ಮತ್ತು ವೃತ್ತ ಕಛೇರಿಗಳ ಪೈಕಿ, ಚಾಂಪಿಯನ್ ರೀಪ್ಸ್ ಪೊಲೀಸ್ ಠಾಣೆಯನ್ನು ಸ್ಥಳಾಂತರಿಸಿ, ಕ್ಯಾಸಂಬಳ್ಳಿ ಪೊಲೀಸ್ ಠಾಣೆಯನ್ನಾಗಿ, ಮಾರಿಕುಪ್ಪಂ ಪೊಲೀಸ್ ಠಾಣೆಯನ್ನು ಸ್ಥಳಾಂತರಿಸಿ, ಬೂದಿಕೋಟೆ ಪೊಲೀಸ್ ಠಾಣೆಯನ್ನಾಗಿ, ಬಂಗಾರಪೇಟೆ ವೃತ್ತ ಕಛೇರಿಯನ್ನು ಸ್ಥಳಾಂತರಿಸಿ, ಕಾಮಸಮುದ್ರಂ ವೃತ್ತವನ್ನಾಗಿ, ಚಾಂಪಿಯನ್ ರೀಪ್ಸ್ ವೃತ್ತ ಕಛೇರಿಯನ್ನು ಸ್ಥಳಾಂತರಿಸಿ, ಬೇತಮಂಗಲ  ವೃತ್ತ ಕಛೇರಿಯನ್ನಾಗಿ, ಕಾರ್ಯಾರಂಭ ಮಾಡಲು ರಾಜ್ಯ ಸರ್ಕಾರವು ಆದೇಶ ಸಂಖ್ಯೆ: :ಹೆಚ್.ಡಿ.:೧೯:ಪಿ.ಓ.ಪಿ.೨೦೨೧ ದಿನಾಂಕ: ೦೭.೦೬.೨೦೨೧.ರೀತ್ಯಾ ಆದೇಶ ಹೊರಡಿಸಿದ್ದರಿಂದ, ರಾಜ್ಯ ಸರ್ಕಾರ ಆದೇಶದನ್ವಯ ಹೊಸ ಠಾಣೆಗಳು, ವೃತ್ತ ಕಛೇರಿಗಳು, ಹೊರ ಠಾಣೆಯು ದಿನಾಂಕ: ೧೩.೦೮.೨೦೨೧ ರಂದು ಶುಕ್ರವಾರದಿಂದ ಕಾರ್ಯಾಂಭವಾಗಿದ್ದು ಸರಹದ್ದು ಈ ಕೆಳಕಂಡಂತೆ ಇರುತ್ತದೆ.

೧.   ರಾಬರ್ಟಸನ್‌ಪೇಟೆ ಪೊಲೀಸ್ ಠಾಣೆ: ಈಗಿರುವ ರಾಬರ್ಟಸನ್‌ಪೇಟೆ ಪೊಲೀಸ್ ಠಾಣಾ ಸರಹದ್ದಿನ ಜೊತೆಗೆ ಹೊಸದಾಗಿ ಪೆದ್ದಪಲ್ಲಿ, ಮಳಿಯಾಳಿ ಗ್ರೌಂಡ್, ಸ್ಕೂಲ್ ಆಫ್ ಮೈನ್ಸ್, ಗರುಡಾದ್ರಹಳ್ಳಿ, ಗೌತನನಗರ ೭ನೇ ಕ್ರಾಸ್ ರವರೆಗೆ ಪ್ರದೇಶ ಸೇರಲಿವೆ.

೨.   ಆಂಡ್ರಸನ್‌ಪೇಟೆ ಪೊಲೀಸ್ ಠಾಣೆ: ಈಗೀರುವ ಆಂಡ್ರಸನ್‌ಪೇಟೆ ಪೊಲೀಸ್ ಠಾಣೆಯ ನಗರ ಪ್ರದೇಶದ ಜೊತೆಗೆ ಹಳೇ ಮಾರಿಕುಪ್ಪಂ ಪೊಲೀಸ್ ಠಾಣಾ ಸರಹದ್ದಿಗೆ ಸೇರಿದ ೨೬ ಗ್ರಾಮಗಳು ಹಾಗೂ ಮಾರಿಕುಪ್ಪಂನಿಂದ ಉರಿಗಾಂ ಕಡೆ ಹೋಗುವ ರೈಲ್ವೇ ಟ್ರಾಕ್ಟ್‌ನ ಪೂರ್ವದ ಕಡೆ ಏರಿಯಾಗಳು ಸೇರಲಿವೆ.

೩.   ಉರಿಗಾಂ ಪೊಲೀಸ್ ಠಾಣೆಯ ವ್ಯಾಪ್ತಿಗೆ ಇದ್ದ ಕೊತ್ತೂರು, ಘಟ್ಟರಾಗಡಹಳ್ಳಿ, ಕೇಳ್ ಕ್ರಿಷ್ಣಾವರಂ, ಘಟ್ಟಕಾಮದೇನಹಳ್ಳಿ, ಕೂಡಗಲ್ಲು, ಪಿಚ್ಚಪಲ್ಲಿ ಗ್ರಾಮಗಳು ಬೆಮೆಲ್ ನಗರ ವ್ಯಾಪ್ತಿಗೆ ಸೇರಿರುತ್ತವೆ ಹಾಗೂ ಹಳೇ ಚಾಂಪಿಯನ್ ರೀಪ್ಸ್ ಪೊಲೀಸ್ ಠಾಣೆ, ವಸತಿ ಗೃಹಗಳು ಡಿ.ಎ.ಆರ್. ಮೈದಾನ ಹಾಗೂ ಉರಿಗಾಂನಿಂದ–ಮಾರಿಕುಪ್ಪಂ ಕಡೆ ಹೋಗುವ ರೈಲ್ವೇ ಟ್ರಾಕ್ಟ್‌ನ ಪಶ್ವಿಮದ ಕಡೆ ಏರಿಯಾಗಳು ಉರಿಗಾಂಗೆ ಸೇರಲಿವೆ( ಅಂದರೆ ಟೆನೆಂಟ್ ಸರ್ಕಲ್ ನಿಂದ ಸಿಮೆಂಟ್ರಿ ಕಾರ್ನರ್‌ನ ಕಡೆ ಹೋಗುವ ರಸ್ತೆಯ ಉತ್ತರ ದಿಕ್ಕಿಗೆ ಸೇರಿದ ಏರಿಯಾಗಳು)

೪.   ಬೆಮೆಲ್ ನಗರ ಪೊಲೀಸ್ ಠಾಣೆ: ಈ ಹಿಂದೆ ಬೆಮೆಲ್ ನಗರ ಪೊಲೀಸ್ ಠಾಣೆಯ ಸರದಹದ್ದಿನಲ್ಲಿದ್ದ  ಬಂಗಾರಪೇಟೆ ತಾಲ್ಲೂಕಿನ ೧೬ ಗ್ರಾಮಗಳ  ಪೈಕಿ ೧೪ ಗ್ರಾಮಗಳು ಬಂಗಾರಪೇ ಪೊಲೀಸ್ ಠಾಣೆಗೆ ಹಾಗೂ ಉಕ್ಕರಹಳ್ಳಿ, ಬೋಯಿಸೊಣ್ಣೆನಹಳ್ಳಿ ೦೨ ಗ್ರಾಮಗಳು ಕಾಮಸಮುದ್ರಂ ಪೊಲೀಸ್ ಠಾಣೆಗೆ ಸೇರಲಿವೆ ಹಾಗೂ ಬೇತಮಂಗಲ ಪೊಲೀಸ್ ಠಾಣೆಗೆ ಸೇರಿದ್ದ ರೆಡ್ಡಿಹಳ್ಳಿ, ಪೆಡದಂಪಲ್ಲಿ, ಕದರೀಗೌಡನಕೋಟೆ, ಕಮ್ಮಸಂದ್ರ, ಸೀಮಲಬಂದಹಳ್ಳಿ, ಚನ್ನಪಲ್ಲಿ, ಗ್ರಾಮಗಳು ಬೆಮೆಲ್ ನಗರ ಪೊಲೀಸ್ ಠಾಣೆಗೆ ಸೇರಿರುತ್ತೆ. ಬೆಮೆಲ್ ನಗರ ಪೊಲೀಸ್ ಠಾಣಾ ಸರಹದ್ದಿನಲ್ಲಿ ಒಟ್ಟು ೧೩ ಗ್ರಾಮಗಳು ಹಾಗೂ ಬೆಮೆಲ್ ನಗರ ಪೊಲೀಸ್ ಠಾಣೆಗೆ ಸೇರಿದ್ದ ಕೆ.ಜಿ.ಎಫ್. ತಾಲ್ಲೂಕಿನ ಪ್ರದೇಶಗಳು ಮುಂದುವರೆಯಲಿವೆ.

೫.   ಬೂದಿಕೋಟೆ ಪೊಲೀಸ್ ಠಾಣೆ: ಬಂಗಾರಪೇಟೆ ಪೊಲೀಸ್ ಠಾಣೆಗೆ ಸೇರಿದ್ದ ಬೂದಿಕೋಟೆ, ಬಂಗಾರಪೇಟೆ ಕಸಬಾ ಹೋಬಳಿಯ ೫೮ ಗ್ರಾಮಗಳು ಹಾಗೂ ಕಾಮಸಮುದ್ರಂ ಪೊಲೀಸ್ ಠಾಣೆಗೆ ಸೇರಿದ ೨೬ ಹಳ್ಳಿಗಳು  ಹೊಸದಾಗಿ ಸೃಜನೆಯಾಗಿರುವ ಬೂದಿಕೋಟೆಗೆ ಒಟ್ಟು ೮೪ ಗ್ರಾಮಗಳು ಸೇರಲಿವೆ.

೬.   ಕ್ಯಾಸಂಬಳ್ಳಿ ಪೊಲೀಸ್ ಠಾಣೆ: ಆಂಡ್ರಸನ್ ಪೇಟೆ ಪೊಲೀಸ್ ಠಾಣೆಗೆ ಈ ಹಿಂಸೆ ಸೇರಿದ್ದ ಕ್ಯಾಸಂಬಳ್ಳಿ ಮತ್ತು ಬೇತಮಂಗಲ ಹೋಬಳಿಯ ೪೪ ಗ್ರಾಮಗಳು ಹಾಗೂ ಬೇತಮಂಗಲ ಪೊಲೀಸ್ ಠಾಣೆಯ ೧೪ ಗ್ರಾಮಗಳು ಸೇರಿ, ಒಟ್ಟು ೫೮ ಗ್ರಾಮಗಳು ಸರಹದ್ದಿನ ವ್ಯಾಪ್ತಿಗೆ ಬರಲಿವೆ.

೭.   ಬೇತಮಂಗಲ ಪೊಲೀಸ್ ಠಾಣೆಯ ಸರಹದ್ದಿನಲ್ಲಿದ್ದ ಪಿಚ್ಚಗುಂಟ್ರಹಳ್ಳಿ ಗ್ರಾಮವು ಬಂಗಾರಪೇಟೆ ತಾಲ್ಲೂಕಿಗೆ ಸೇರಿರುವುದರಿಂದ ಬಂಗಾರಪೇಟೆ ಪೊಲೀಸ್ ಠಾಣೆಗೆ ಸೇರಿಸಲಾಗಿದೆ ಹಾಗೂ ೧೪ ಗ್ರಾಮಗಳು ಹೊಸದಾಗಿ ಸೃಜನೆಯಾಗಿರುವ ಕ್ಯಾಸಂಬಳ್ಳಿ ಪೊಲೀಸ್ ಠಾಣೆಗೆ ಸೇರಿರುತ್ತದೆ. ಬೇತಮಂಗಲ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಒಟ್ಟು ೮೯ ಗ್ರಾಮಗಳು ಮುಂದುವರೆಯಲಿದೆ.

೮.   ಕಾಮಸಮುದ್ರಂ ಪೊಲೀಸ್ ಠಾಣೆ: ಕಾಮಸಮುದ್ರಂ ಪೊಲೀಸ್ ಠಾಣಾ ಸರಹದ್ದಿನಲ್ಲಿದ್ದ ೧೨೩ ಗ್ರಾಮಗಳ ಪೈಕಿ, ೨೬ ಗ್ರಾಮಗಳು ಬೂದಿಕೋಟೆಗೆ ಸೇರಿರುತ್ತವೆ ಹಾಗೂ ಬೆಮೆಲ್ ನಗರ ಪೊಲೀಸ್ ಠಾಣಾ ಸರಹದ್ದಿನಲ್ಲಿದ್ದ ೦೨ ಗ್ರಾಮಗಳು ಕಾಮಸಮುದ್ರಂ ಪೊಲೀಸ್ ಠಾಣೆಗೆ ಸೇರಲಿವೆ. ಒಟ್ಟು ೯೯ ಗ್ರಾಮಗಳು ಮುಂದುವರೆಯಲಿದೆ.

೯.   ಬಂಗಾರಪೇಟೆ ಪೊಲೀಸ್ ಠಾಣೆ: ಬಂಗಾರಪೇಟೆ ಪೊಲೀಸ್ ಠಾಣೆಯನ್ನು ಪಿ.ಐ. ದರ್ಜೆಯ ಠಾಣಾಧಿಕಾರಿಯನ್ನಾಗಿ ಮಾಡಿದ್ದು, ಬಂಗಾರಪೇಟೆಗೆ ಈಗಿರುವ ಬಂಗಾರಪೇಟೆ ಪಟ್ಟಣ ಮತ್ತು ಬೆಮೆಲ್ ನಗರ ಪೊಲೀಸ್ ಠಾಣಾ ಸರಹದ್ದಿನಲ್ಲಿದ್ದ ೧೪ ಗ್ರಾಮಗಳು ಅಂದರೆ ಬೆಮೆಲ್ ನಗರ, ಆಲದಮರ, ಸಂಬ್ರಮ್ ಮೆಡಿಕಲ್ ಕಾಲೇಜು ಹಾಗೂ ಕೈಗಾರಿಕಾ ಪ್ರದೇಶ ಸೇರಿ ಹಾಗೂ ಚಾಂಪಿಯನ್ ರೀಪ್ಸ್ ಪೊಲೀಸ್ ಠಾಣೆಯಲ್ಲಿದ್ದ ೦೨ ಗ್ರಾಮಗಳು, ಬೇತಮಂಗಲ ಪೊಲೀಸ್ ಠಾಣಾ ಸರಹದ್ದಿನ ೦೧ ಗ್ರಾಮ ಹಾಗೂ ಈಗಿರುವ ಬಂಗಾರಪೇಟೆ ಪೊಲೀಸ್ ಠಾಣಾ ಸರಹದ್ದಿನ ೭೪ ಗ್ರಾಮಗಳು ಸೇರಲಿವೆ.

೧೦. ಭಾರತ್ ನಗರ ಹೊರ ಠಾಣೆ: ಬೂದಿಕೋಟೆಯಲ್ಲಿದ್ದ ಹೊರ ಠಾಣೆಯನ್ನು, ಬಂಗಾರಪೇಟೆ ತಾಲ್ಲೂಕಿಗೆ ಸೇರಿದ ಬೆಮೆಲ್ ನಗರದ ಭಾರತ್ ನಗರಕ್ಕೆ ಸ್ಥಳಾಂತರಿಸಿದ್ದು, ಒಟ್ಟು ೨೨ ಏರಿಯಾಗಳು ಸೇರಲಿವೆ.

೧೧. ರಾಜಪೇಟೆ ರಸ್ತೆ(ಜೆ.ಕೆ.ಪುರಂ) ಹೊರ ಠಾಣೆ: ನೀಲಿಗಿರಿಪಲ್ಲಿಯಲ್ಲಿದ್ದ ಹೊರ ಠಾಣೆಯನ್ನು ಜೆ.ಕೆ.ಪುರಂಗೆ ಸೇರಿದ್ದು, ಇನ್ನು ಮುಂದೆ ಕ್ಯಾಸಂಬಳ್ಳಿ ಪೊಲೀಸ್ ಠಾಣಾ ಸರಹದ್ದಿಗೆ ಸೇರಲಿದ್ದು ಒಟ್ಟು ೧೦ ಗ್ರಾಮಗಳು ಸೇರಲಿವೆ.

೧೨. ಉರಿಗಾಂ ಪೊಲೀಸ್ ಠಾಣೆಯ ಹಳೇ ಕಟ್ಟಡವಾಗಿದ್ದು, ಅದನ್ನು ಹೊಸದಾಗಿ ನಿರ್ಮಾಣ ಮಾಡಲು ಸರ್ಕಾರದಿಂದ ಮಂಜೂರು ಆಗಿದ್ದು, ಆದುದರಿಂದ ತಾತ್ಕಾಲಿಕವಾಗಿ ಹಳೇ ಚಾಂಪಿಯನ್ ರೀಪ್ಸ್ ಪೊಲೀಸ್ ಠಾಣೆಯ ಕಟ್ಟಡಕ್ಕೆ ಸ್ಥಳಾಂತರಗೊಳ್ಳಲಿದೆ.

ಕೆಜಿಎಫ್ ಜಿಲ್ಲಾ ಪೊಲೀಸ್ ಕಛೇರಿಯಲ್ಲಿ ನಡೆದ ಸ್ವಾತಂತ್ರ್ಯ ದಿನಾಚರಣೆಯ ಕಾರ್ಯಕ್ರಮ

     ಪ್ರತಿಯೊಬ್ಬರು ಉತ್ತಮ ಸಮಾಜದ ನಿರ್ಮಾಣಕ್ಕಾಗಿ ದೇಶಾಭಿಮಾನ ಮೆರೆಯುವ ಮೂಲಕ ರಾಷ್ಟ್ರದ ಸರ್ವತೋಮುಖಾಭಿವೃದ್ದಿಗೆ ಪಣ ತೊಡಬೇಕೆಂದು ಜಿಲ್ಲಾ ಪೊಲೀಸ್ ಕಛೇರಿಯಲ್ಲಿ ಭಾನುವಾರದಂದು ಬೆಳಿಗ್ಗೆ ೦೮.೦೦ ಗಂಟೆಗೆ ೭೫ನೇ ಸ್ವಾತಂತ್ರ್ಯ ದಿನಾಚರಣೆ ಪ್ರಯುಕ್ತ ರಾಷ್ಟ್ರ ಧ್ವಜಾರೋಹಣ ನೆರವೇರಿಸಿ, ಧ್ವಜವಂದನೆ ಸ್ವೀಕರಿಸಲಾಯಿತು.  ಪ್ರತಿಯೊಬ್ಬ ಜನಸಾಮಾನ್ಯರಿಗೂ ದೇಶಾಭಿಮಾನವಿರಬೇಕು, ಶಾಲಾ ಮಕ್ಕಳಿಗೆ ಪ್ರಾಥಮಿಕ ಹಂತದಲ್ಲೇ ದೇಶದ ಬಗ್ಗೆ ಅಕ್ಕರೆ ಮೂಡಿಸುವ ಕಾರ್ಯವಾಗಬೇಕು, ಎಲ್ಲರೂ ಕೈಗೂಡಿಸಿದ್ದಲ್ಲಿ ದೇಶದ ಸರ್ವತೋಮುಖಾಭಿವೃದ್ದಿ ಸಾಧ್ಯವೆಂದು ತಿಳಿಸಲಾಯಿತ್ತು. ಕಾರ್ಯಕ್ರಮದಲ್ಲಿ ಡಿವೈಎಸ್ಪಿ ಪಿ.ಮುರಳೀಧರ, ಸಹಾಯಕ ಆಡಳಿತಾಧಿಕಾರಿ ಜಿ.ವಿಶ್ವನಾಥ, ಪೊಲೀಸ್ ಇನ್ಸ್‌ಪೆಕ್ಟರ್‌ಗಳಾದ ಸೂರ್ಯಪ್ರಕಾಶ್, ನಾಗರಾಜ್, ವೆಂಕಟರಮಣಪ್ಪ, ದಯಾನಂದ, ಸೇರಿದಂತೆ ಜಿಲ್ಲೆಯ ಎಲ್ಲಾ ಪಿಎಸ್‌ಐಗಳು, ಜಿಲ್ಲಾ ಪೊಲೀಸ್ ಕಛೇರಿಯ ಅಧಿಕಾರಿ, ಲಿಪಿಕ ಸಿಬ್ಬಂದಿಗಳು ಹಾಜರಿದ್ದರು. ಆರ್.ಪಿ.ಐ. ವಿ.ಸೋಮಶೇಖರ್ ಅವರ ನೇತೃತ್ವದಲ್ಲಿ ಆಕರ್ಷಕ ರೀತಿಯಲ್ಲಿ ಪಥಸಂಚಲನ, ಡಿ.ಎ.ಆರ್. ಪೊಲೀಸ್ ವಾದ್ಯವೃಂದದಿಂದ ರಾಷ್ಟ್ರಗೀತೆ ಗಾಯನ ನಡೆದವು.

ದಿನದ ಅಪರಾಧಗಳ ಪಕ್ಷಿನೋಟ 11ನೇ ಆಗಸ್ಟ್ 2021

ಕೆ.ಜಿ.ಎಫ್. ಪೊಲೀಸ್‌ ಜಿಲ್ಲೆಯ ವಿವಿಧ ಪೊಲೀಸ್‌ ಠಾಣೆಗಳಲ್ಲಿ ದಿನಾಂಕ 10.08.2021 ರಂದು ದಾಖಲಾಗಿರುವ ಅಪರಾಧ ಪ್ರಕರಣಗಳ ವಿವರಗಳು.

– ರಸ್ತೆ ಅಪಘಾತಗಳು : 02

ಬಂಗಾರಪೇಟೆ ಪೊಲೀಸ್ ಠಾಣೆಯಲ್ಲಿ ರಸ್ತೆ ಅಪಘಾತ ಪ್ರಕರಣ ದಾಖಲಾಗಿರುತ್ತದೆ. ದೂರುದಾರರಾದ ಶ್ರೀ. ಮನೋಜ್ ಕುಮಾರ್‌ ಬಿನ್ ಶ್ರೀರಾಮಪ್ಪ, ಸಿದ್ದನಹಳ್ಳಿ ಗ್ರಾಮ, ಬಂಗಾರಪೇಟೆ ತಾಲ್ಲೂಕು ರವರು ನೀಡಿದ ದೂರಿನಲ್ಲಿ, ದಿನಾಂಕ:08.08.2021 ರಂದು ಮದ್ಯಾಹ್ನ 3-40 ಗಂಟೆಯಲ್ಲಿ ಅವರ ಗ್ರಾಮದ ವಾಸಿ ನವೀನ್ ಕುಮಾರ್ ರವರು ಹಿರೋ ಹೋಂಡಾ ಸ್ಪೆಂಡರ್ ಪ್ಲಸ್ ದ್ವಿಚಕ್ರ ವಾಹನ ಸಂಖ್ಯೆ ಕೆಎ-07-ಆರ್-0807 ವಾಹನದಲ್ಲಿ ಶ್ರೀ. ಚೌಡೇಶ್ವರಮ್ಮ ದೇವಸ್ಥಾನದ ಕಡೆ ಹೋಗುವ ರಸ್ತೆಯಲ್ಲಿ ಹೋಗುತ್ತಿದ್ದಾಗ ಕೆರೆ ಕಟ್ಟೆ ಸಮೀಪದ ತಿರುವಿನಲ್ಲಿ ವಾಹನದ ನಿಯಂತ್ರಣ ತಪ್ಪಿ ಕೆಳಗೆ ಬಿದ್ದು ರಕ್ತಗಾಯವಾಗಿರುತ್ತದೆ.

ಬೇತಮಂಗಲ ಪೊಲೀಸ್ ಠಾಣೆಯಲ್ಲಿ ರಸ್ತೆ ಅಪಘಾತ ಪ್ರಕರಣ ದಾಖಲಾಗಿರುತ್ತದೆ. ದೂರುದಾರರಾದ ಶ್ರೀ. ಸುರೇಶ್ ಬಿನ್ ರಾಮಚಂದ್ರಪ್ಪ, ತಾವರೆಕೆರೆ ಗ್ರಾಮ, ಮುಳಬಾಗಿಲು ತಾಲ್ಲೂಕು ರವರು ದಿನಾಂಕ 09-08-2021 ರಂದು ಬೆಳಿಗ್ಗೆ 8.00 ಗಂಟೆಯಲ್ಲಿ ದ್ವಿಚಕ್ರವಾಹನ  ಪ್ಯಾಶನ್ ಪ್ರೋ ಸಂಖ್ಯೆ KA-07-EB-3143 ರಲ್ಲಿ  ಮುಳಬಾಗಿಲು-ಬೇತಮಂಗಲ ರಸ್ತೆ  ವಿ.ಕೋಟೆ ಸರ್ಕಲ್ ಬಳಿ ಬಂದು ಬೇತಮಂಗಲ ರಸ್ತೆ ಕಡೆ ಸಿಗ್ನಲ್ ಹಾಕಿಕೊಂಡು ತಿರುಗಿಸಿದಾಗ  ಬೇತಮಂಗಲ ಕಡೆಯಿಂದ  ದ್ವಿಚಕ್ರವಾಹನ ಸ್ಪೇಂಡರ್  ಪ್ಲಸ್ ಸಂಖ್ಯೆ KA-01-EN-9895  ರ  ಸವಾರ  ವಾಹನವನ್ನು ಅತಿವೇಗ ಮತ್ತು ಅಜಾರೂಕತೆಯಿಂದ ಚಲಾಯಿಸಿಕೊಂಡು ಬಂದು ದೂರುದಾರರು  ಚಲಾಯಿಸುತ್ತಿದ್ದ ದ್ವಿಚಕ್ರವಾಹನಕ್ಕೆ ಡಿಕ್ಕಿ ಪಡಿಸಿದ ಪ್ರಯುಕ್ತ ದೂರುದಾರರಿಗೆ ರಕ್ತಗಾಯವಾಗಿರುತ್ತೆ.

ದಿನದ ಅಪರಾಧಗಳ ಪಕ್ಷಿನೋಟ 10ನೇ ಆಗಸ್ಟ್ 2021

ಕೆ.ಜಿ.ಎಫ್. ಪೊಲೀಸ್‌ ಜಿಲ್ಲೆಯ ವಿವಿಧ ಪೊಲೀಸ್‌ ಠಾಣೆಗಳಲ್ಲಿ ದಿನಾಂಕ 09.08.2021 ರಂದು ದಾಖಲಾಗಿರುವ ಅಪರಾಧ ಪ್ರಕರಣಗಳ ವಿವರಗಳು.

– ಸಾಮಾನ್ಯ ಕಳವು : 01

ಬಂಗಾರಪೇಟೆ ಪೊಲೀಸ್ ಠಾಣೆಯಲ್ಲಿ ಸಾಮಾನ್ಯ ಕಳವು ಪ್ರಕರಣ ದಾಖಲಾಗಿರುತ್ತದೆ. ದೂರುದಾರರಾದ ಶ್ರೀ. ಶ್ರೀನಿವಾಸ ಬಿನ್ ಚೆನ್ನರಾಯಪ್ಪ, ಲಕ್ಷ್ಮೀಸಾಗರ ಗ್ರಾಮ, ಕೆ.ಜಿ.ಎಫ್ ತಾಲ್ಲೂಕು ರವರು ದಿನಾಂಕ: 31.07.2021 ರಂದು ಬೆಳಿಗ್ಗೆ 10.30 ಗಂಟೆಗೆ ಆಟೋ ಸಂಖ್ಯೆ ಕೆಎ08-3483ರಲ್ಲಿ ಕೆಜಿಎಫ್ ನಿಂದ ಬಂಗಾರಪೇಟೆಯ ಗಾಂಧಿನಗರದಲ್ಲಿರುವ ದಿವ್ಯ ವಿಧ್ಯಾನಿಕೇತನ ವಿಧ್ಯಾ ಸಂಸ್ಥೆಗೆ ಶಿಕ್ಷಕರನ್ನು ಕರೆದುಕೊಂಡು ಬಂದು ಶಾಲೆಯ ಗೋಡೆಯ ಪಕ್ಕ ರಸ್ತೆಯಲ್ಲಿ ನಿಲ್ಲಿಸಿದ್ದು, ಶಾಲೆ ಮುಗಿದ ಬಳಿಕ ಮಧ್ಯಾಹ 3.00 ಗಂಟೆಗೆ ಮನೆಗೆ ಹೋಗಲು ಆಟೋ ಬಳಿ ಬಂದು ನೋಡಲಾಗಿ ಸದರಿ ವಾಹನಕ್ಕೆ ಅಳವಡಿಸಿರುವ 3000/- ಬೆಲೆ ಬಾಳುವ ಅಮರಾನ್ ಕಂಪನಿ ಬ್ಯಾಟರಿಯನ್ನು ಯಾರೋ ಕಳ್ಳರು ಕಳವು ಮಾಡಿಕೊಂಡು ಹೋಗಿರುತ್ತಾರೆ.

– ವ್ಯಕ್ತಿ ಕಾಣೆಯಾಗಿರುವ ಪ್ರಕರಣಗಳು : 01

ಕಾಮಸಮುದ್ರಂ ಪೊಲೀಸ್ ಠಾಣೆಯಲ್ಲಿ ಹುಡುಗಿ ನಾಪತ್ತೆ ಪ್ರಕರಣ ದಾಖಲಾಗಿರುತ್ತದೆ. ದೂರುದಾರರಾದ ಶ್ರೀ. ವೆಂಕಟೇಶಪ್ಪ ಬಿನ್ ನಾರಾಯಣಪ್ಪ, ಪಿಚ್ಚಹಳ್ಳಿ ಗ್ರಾಮ, ಬಂಗಾರಪೇಟೆ ತಾಲ್ಲೂಕು ರವರ ಮಗಳಾದ ಕಾವ್ಯ ವಿ, 20 ವರ್ಷ ರವರು ದಿನಾಂಕ 05.08.2021 ರಂದು ಸಂಜೆ 5.00 ಗಂಟೆಗೆ ರಾತ್ರಿ ಪಾಳಿ ಕರ್ತವ್ಯಕ್ಕೆಂದು ವಿಸ್ಟ್ರಾನ್ ಕಂಪನಿಯ ಬಸ್ಸ್ ನಲ್ಲಿ ಹೋಗಿದ್ದು, ಪುನಃ ಮನೆಗೆ ವಾಪಸ್ಸ ಬರದೆ ಕಾಣೆಯಾಗಿರುತ್ತಾರೆ.

ದಿನದ ಅಪರಾಧಗಳ ಪಕ್ಷಿನೋಟ 09ನೇ ಆಗಸ್ಟ್ 2021

.ಜಿ.ಎಫ್. ಪೊಲೀಸ್‌ ಜಿಲ್ಲೆಯ ವಿವಿಧ ಪೊಲೀಸ್‌ ಠಾಣೆಗಳಲ್ಲಿ ದಿನಾಂಕ 08.08.2021 ರಂದು ದಾಖಲಾಗಿರುವ ಅಪರಾಧ ಪ್ರಕರಣಗಳ ವಿವರಗಳು.

– ರಸ್ತೆ ಅಪಘಾತಗಳು : 01

ಬೇತಮಂಗಲ ಪೊಲೀಸ್ ಠಾಣೆಯಲ್ಲಿ ರಸ್ತೆ ಅಪಘಾತ ಪ್ರಕರಣ ದಾಖಲಾಗಿರುತ್ತದೆ. ದೂರುದಾರರಾದ ಶ್ರೀ. ಮಧುಕುಮಾರ್‌ಬಿನ್ ವೆಂಕಟರಾಜು, ಬೆಟ್ಕೂರು ಗ್ರಾಮ, ಕೆ.ಜಿ.ಎಫ್ ತಾಲ್ಲೂಕು ರವರು ದಿನಾಂಕ 08-08-2021 ರಂದು ಸಂಜೆ 4.00 ಗಂಟೆಯಲ್ಲಿ ಆಟೋಸಂಖ್ಯೆ KA-08-8324 ರಲ್ಲಿ ಕುಳಿತುಕೊಂಡು ಇತರೇ 3 ಪ್ರಯಾಣಿಕರೊಂದಿಗೆ ಸುಂದರಪಾಳ್ಯ ರಸ್ತೆಯಲ್ಲಿ  ದೊಡ್ಡಕಾರಿ ಸ್ಮಶಾಣಕ್ಕೆ  ಸ್ವಲ್ಪ ಮುಂದೆ ಹೋಗುತ್ತಿದ್ದಾಗ, ವಿ.ಕೋಟೆ ಕಡೆಯಿಂದ  KSRTC ಬಸ್ ಚಾಲಕ  KA-07-F-1537 ರ ಚಾಲಕ ಬಸ್ಸನ್ನು ಅತಿವೇಗ ಮತ್ತು ಅಜಾಗೂರೂಕತೆಯಿಂದ ಚಲಾಯಿಸಿಕೊಂಡು  ಬಂದು  ಆಟೋಗೆ ಡಿಕ್ಕಿ  ಹೊಡೆದ ಪ್ರಯುಕ್ತ  ಆಟೋ ರಸ್ತೆ ಎಡಬದಿಯಲ್ಲಿ ಮುಗಿಚಿ  ಬಿದಿದ್ದು ಆಟೋದಲ್ಲಿದ್ದ, ದೂರುದಾರರಿಗೆ, ಆಟೋ ಚಾಲಕನಿಗೆ  ಮತ್ತು ಇತರೇ ಪ್ರಯಾಣಿಕರಿಗೆ ಗಾಯಗಳಾಗಿರುತ್ತೆ.

ದಿನದ ಅಪರಾಧಗಳ ಪಕ್ಷಿನೋಟ 08 ನೇ ಆಗಸ್ಟ್ 2021

ಕೆ.ಜಿ.ಎಫ್ ಜಿಲ್ಲೆಯ ವಿವಿಧ ಪೊಲೀಸ್ ಠಾಣೆಗಳಲ್ಲಿ ದಿನಾಂಕ 07.08.2021 ರಂದು ದಾಖಲಾಗಿರುವ ಪ್ರಕರಣಗಳ ವಿವರ.

-ಇತರೆ: 01

ರಾಬರ್ಟ್ ಸನ್ ಪೇಟೆ ಪೊಲೀಸ್ ಠಾಣೆಯಲ್ಲಿ ವೈಶ್ಯಾವಾಟಿಕೆ ನಡೆಸುತ್ತಿದ್ದವರ ವಿರುದ್ದ ಪ್ರಕರಣ ದಾಖಲಾಗಿರುತ್ತದೆ. ದಿನಾಂಕ 07.08.2021 ರಂದು ಆರೋಪಿಗಳು ವಾಸವಿರುವ ಮನೆಯಲ್ಲಿ ಮಹಿಳೆಯರನ್ನು ಇಟ್ಟುಕೊಂಡು ವೇಶ್ಯಾವಾಟಿಕೆ ದಂಧೆ ನಡೆಸುತ್ತಿದ್ದವರ ಮೇಲೆ ಸಿ.ಇ.ಎನ್ ಅಪರಾಧ ಪೊಲೀಸ್ ಠಾಣೆಯ ಪಿ.ಐ ಶ್ರೀ. ಸೂರ್ಯಪ್ರಕಾಶ್ ಮತ್ತು ಸಿಬ್ಬಂದಿಯವರು ದಾಳಿ ನಡೆಸಿ ವೇಶ್ಯಾವಾಟಿಕೆಯಲ್ಲಿ ನಡೆಸುತ್ತಿದ್ದವರನ್ನು ಹಾಗೂ ನಗದು 1200/- ರೂಗಳನ್ನು  ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿರುತ್ತಾರೆ.

-ಅಸ್ವಾಭಾವಿಕ ಮರಣ ಪ್ರಕರಣ : 01

ಉರಿಗಾಂ ಪೊಲೀಸ್ ಠಾಣೆಯಲ್ಲಿ ಅಸ್ವಾಭಾವಿಕ ಮರಣ ಪ್ರಕರಣ ದಾಖಲಾಗಿರುತ್ತದೆ. ದೂರುದಾರರಾದ ಶ್ರೀಮತಿ. ಉಷಾ, ಸೌತ್ ಟ್ಯಾಂಕ್ ಬ್ಲಾಕ್, ಉರಿಗಾಂ, ಕೆ.ಜಿ.ಎಫ್ ರವರ ಮಗ ಸತೀಶ್ @ ರಿಂಕೂ, 22 ವರ್ಷ ರವರಿಗೆ 2 ವರ್ಷಗಳಿಂದ ಹೊಟ್ಟೆ ನೋವು ಬರುತ್ತಿದ್ದು, ಚಿಕಿತ್ಸೆ ಕೊಡಿಸಿದ್ದರೂ ವಾಸಿಯಾಗದೇ ಇದ್ದುದ್ದರಿಂದ ಜೀವನದಲ್ಲಿ ಜಿಗುಪ್ಸೆಹೊಂದಿ ದಿನಾಂಕ:07.08.2021 ರಂದು ಬೆಳಿಗ್ಗೆ 10.00 ರಿಂದ 11.00 ಗಂಟೆಯ ನಡುವೆ  ದೂರುದಾರರ ಮನೆಯ ಪಕ್ಕದಲ್ಲಿ ಇರುವ ಒಂದು ರೂಂ ನ ಮನೆಯ ಮೇಲ್ಚಾವಣಿಯ ಮರದ ತರಾಯಿಗೆ ಲುಂಗಿಯಿಂದ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುತ್ತಾರೆ,

ದಿನದ ಅಪರಾಧಗಳ ಪಕ್ಷಿನೋಟ 07ನೇ ಆಗಸ್ಟ್ 2021

ಕೆ.ಜಿ.ಎಫ್. ಪೊಲೀಸ್‌ ಜಿಲ್ಲೆಯ ವಿವಿಧ ಪೊಲೀಸ್‌ ಠಾಣೆಗಳಲ್ಲಿ ದಿನಾಂಕ 06.08.2021 ರಂದು ದಾಖಲಾಗಿರುವ ಅಪರಾಧ ಪ್ರಕರಣಗಳ ವಿವರಗಳು.

– ರಸ್ತೆ ಅಪಘಾತಗಳು : 01

ಕಾಮಸಮುದ್ರಂ ಪೊಲೀಸ್ ಠಾಣೆಯಲ್ಲಿ ರಸ್ತೆ ಅಪಘಾತ ಪ್ರಕರಣ ದಾಖಲಾಗಿರುತ್ತದೆ. ದೂರುದಾರರಾದ ಶ್ರೀ. ನಜಿಯಾ ಬೇಗಂ ಕೊಂ ಸೈಯದ್ ಸುಹೇಬ್‌, ಕಾಮಸಮುದ್ರಂ ಗ್ರಾಮ, ಬಂಗಾರಪೇಟೆ ತಾಲ್ಲೂಕು ರವರು ದಿನಾಂಕ 03.08.2021 ರಂದು ಸಂಜೆ 6.30 ಗಂಟೆಯಲ್ಲಿ ಸೋದರ ಮಾವ ಶೇಖ್ ಅಹಮ್ಮದ್ ರವರ ಜೊತೆಯಲ್ಲಿ   ಕೆ.ಬಜಾಜ್ ದ್ವಿಚಕ್ರ ವಾಹನ ಸಂಖ್ಯೆ KA-03-L-2341 ರಲ್ಲಿ  ಗೊಲ್ಲಹಳ್ಳಿ ಗ್ರಾಮದ ಕಡೆಯಿಂದ ಕಾಮಸಮುದ್ರಂ ಗ್ರಾಮಕ್ಕೆ ಶಂಷುದ್ದಿನ್ ಬಾಬು ರವರ ಜಮೀನಿನ ಬಳಿ ಬರುತ್ತಿರುವಾಗ ಕಾಮಸಮುದ್ರಂ ಕಡೆಯಿಂದ ಡಿಸ್ಕವರಿ ದ್ವಿಚಕ್ರ ವಾಹನ ಸಂಖ್ಯೆ KA-08-R-6475ರ ಸಾವರ ದ್ವಿಚಕ್ರ ವಾಹನವನ್ನು ಅತಿವೇಗ ಮತ್ತು ಅಜಾಗೂರುಕತೆಯಿಂದ ಚಲಾಯಿಸಿಕೊಂಡಿ ಹೋಗಿ, ದೂರುದಾರರ ವಾಹನಕ್ಕೆ ಡಿಕ್ಕಿಪಡಿಸಿದ್ದು, ದೂರುದಾರರು ಮತ್ತು ಅವರ ಮಾವ ಶೇಖ್ ಅಹ್ಮದ್ ರವರಿಗೆ ರಕ್ತಗಾಯಗಳಾಗಿರುತ್ತದೆ

– ವ್ಯಕ್ತಿ ಕಾಣೆಯಾಗಿರುವ ಪ್ರಕರಣಗಳು : 02

ಬಂಗಾರಪೇಟೆ ಪೊಲೀಸ್ ಠಾಣೆಯಲ್ಲಿ ಮನುಷ್ಯ ಕಾಣೆಯಾಗಿರುವ ಬಗ್ಗೆ 02 ಪ್ರಕರಣಗಳು ದಾಖಲಾಗಿರುತ್ತದೆ.

ದೂರುದಾರರಾದ ಶ್ರೀಮತಿ. ನಾಗವೇಣಿ ಕೊಂ ನಾರಾಯಣಸ್ವಾಮಿ, ದೇಶಿಹಳ್ಳಿ, ಬಂಗಾರಪೇಟೆ ರವರ ಮಗಳಾದ ಕು. ಅಶ್ವಿನಿ, 20 ವರ್ಷ ರವರು ದಿನಾಂಕ:04.08.2021 ರಂದು ಬೆಳಿಗ್ಗೆ 10-00 ಗಂಟೆಯಲ್ಲಿ ಕಂಪ್ಯೂಟರ್ ಕ್ಲಾಸ್ ಗೆ ಹೋಗಿ ಬರುತ್ತೇನೆಂದು ಹೇಳಿ ಹೋಗಿದ್ದು, ಮನೆಗೆ ವಾಪಸ್ ಬರದೇ ಕಾಣೆಯಾಗಿರುತ್ತಾರೆ.

ದೂರುದಾರರಾದ ಶ್ರೀಮತಿ. ವಹಿದಾ ಬಾನು ಕೊಂ ನೂರುಲ್ಲಾ ಖಾನ್, ಸೇಠ್‌ ಕಾಂಪೌಂಡ್‌, ಬಂಗಾರಪೇಟೆ ರವರ ಮಗಳಾದ ಕು. ನೂರೀ ತಾಜ್, 18 ವರ್ಷ ರವರು ದಿನಾಂಕ:02.08.2021 ರಂದು ಮದ್ಯಾಹ್ನ 2-00 ಗಂಟೆಯಲ್ಲಿ ಬ್ಯಾಂಕಿಗೆ ಹೋಗಿ ಬರುತ್ತೇನೆಂದು ಹೇಳಿ ಹೋಗಿದ್ದು, ಮನೆಗೆ ವಾಪಸ್ ಬರದೇ ಕಾಣೆಯಾಗಿರುತ್ತಾರೆ.

–  ನಂಬಿಕೆ ದ್ರೋಹ : 01

ಬಂಗಾರಪೇಟೆ ಪೊಲೀಸ್ ಠಾಣೆಯಲ್ಲಿ ನಂಬಿಕೆ ದ್ರೋಹಕ್ಕೆ ಸಂಬಂದಿಸಿದ ಪ್ರಕರಣ ದಾಖಲಾಗಿರುತ್ತದೆ. ದೂರುದಾರರಾದ ಶ್ರೀ. ದಯಾನಂದ್‌, ತಹಶೀಲ್ದಾರ್‌, ಬಂಗಾರಪಟೆ ತಾಲ್ಲೂಕು ರವರು ನೀಡಿದ ದೂರಿನಲ್ಲಿ, ಬಂಗಾರಪೇಟೆ ತಾಲ್ಲೂಕಿನಲ್ಲಿ 2013ನೇ ಸಾಲಿನಿಂದ 2020ನೇ ಸಾಲಿನ ವರೆಗೆ ಬಗರ್ ಹುಕ್ಕುಂ ಯೋಜನೆಯಡಿಯಲ್ಲಿ ಜಮೀನು ಮಂಜೂರು ಮಾಡಲು ಕೋರಿ ತಾಲ್ಲೂಕಿನ ಸಾರ್ವಜನಿಕರಿಂದ ನಮೂನೆ 53 ರ ಅರ್ಜಿಗಳು ಸ್ವೀಕೃತಗೊಂಡಿದ್ದು, ಈ ಅರ್ಜಿಗಳ ಪೈಕಿ 1698 ಅರ್ಜಿಗಳು ವಿಲೇ ಆಗದೇ ಬಾಕಿ ಇದ್ದು, ಸದರಿ ಅರ್ಜಿಗಳ ಬಗ್ಗೆ ಕ್ರಮ ಕೈಗೊಳ್ಳಲು ಸರ್ಕಾರದಿಂದ ಬಗರ್ ಹುಕ್ಕುಂ ಸಾಗುವಳಿ ಸಕ್ರಮೀಕರಣ ಸಮಿತಿ ರಚನೆಯಾಗಿದ್ದು ಈ ಸಮಿತಿಯ ಸಭೆಯಲ್ಲಿ ಅರ್ಜಿಗಳನ್ನು ಮಂಡಿಸಿ ಕ್ರಮ ವಹಿಸಬೇಕಾಗಿರುವುದರಿಂದ ಈ ಹಿಂದೆ ಭೂ ಮಂಜೂರಾತಿ ಶಾಖೆಯಲ್ಲಿ ವಿಷಯ ನಿರ್ವಾಹಕರಾಗಿ ಕೆಲಸ ನಿರ್ವಹಿಸಿರುವ ವಿನೋದ್‍ ಕುಮಾರ್ ವಿ.ಎಂ ರವರಿಗೆ ದಿನಾಂಕ:26.04.2021 ರಂದು ನೋಟೀಸ್ ನೀಡಿ ಈ ಹಿಂದಿನ ಸಭೆ ನಡುವಳಿ ಪುಸ್ತಕವನ್ನು ಹಾಜರುಪಡಿಸಲು ಸೂಚಿಸಲಾಗಿ ಇವರು ಮೌಖಿಕವಾಗಿ ಆರ್.ಆರ್ ಶಿರಸ್ತೆದಾರರ ಬಳಿ ಇದೇ ಎಂದು ತಿಳಿಸಿರುತ್ತಾರೆ ಹಾಗೂ ಬಗರ್ ಹುಕ್ಕುಂ ಸಾಗುವಳಿ ಸಕ್ರಮೀಕರಣ ಸಮಿತಿಯ ನಡವಳಿ ವಹಿಯನ್ನು ನೀಡಿರುವುದಿಲ್ಲ. ಹಾಗೂ ಸ್ವೀಕೃತಿ ಮಾಡಿರುವ ಯಾವುದೇ ದಾಖಲೆಯನ್ನು ಹಾಜರುಪಡಿಸಿರುವುದಿಲ್ಲ. ನಂತರದ ದಿನಗಳಲ್ಲಿ ನಡವಳಿಯ ಪುಸ್ತಕವು ನಾಪತ್ತೆಯಾಗಿರುವುದಾಗಿ ತಿಳಿಸಿರುತ್ತಾರೆಂದು ದೂರು.